Primeiramente, visionamos un interesante audiovisual acerca da historia de Dalkey
e máis tarde fomos recibidos por unha serventa dos Tudor que, logo de darnos a benvida, acolleunos cun baile.
E explicounos como eran os costumes do castelo en canto á alimentación e a hixiene.
Despois apareceu o Milord e explicounos cales eran os medios defensivos da época. Jorge e Rubén amosaron a súa habilidade (?) no manexo do arco e as frechas.
Sara, Jaime, Andrea e Carmen sufriron no potro de castigo.
Despois subimos ata o torre do castelo, contemplamos unha fermosa panorámica da baía, imaxinamos as loitas dos arqueiros e coñecemos a curiosa orixe do V como símbolo de victoria.
Foi despois o momento no que o barbeiro fixo unha demostración das súas artes como médico, sacamoas e cirurxián... un profesional moi entregado ao seu traballo posto que atopaba un gran pracer no manexo de coitelos, navallas, tenaces e outros útiles de tortura.
Lucía someteuse a unha exploración de cráneo.
Andrea aguantou con gran valor a extracción dun dente.
e Antía experimentou a dor das sangrías para purificar o sangue.
En fin, unha interesante visita que nos permitiu coñecer dun modo divertido un pouco máis da historia, ao tempo que escoitamos unha interesante clase en inglés.
Rematada a visita ao castelo, camiñamos ata Sandycove para situarnos ante a Martello Tower ou James Joyce Tower, lugar no que se sitúa o inicio da novela o Ulysses e onde comeza tamén o percorrido do Bloomsday que cada 16 de xuño reúne aos admiradores do Ulysses.
A carón da James Joyce Tower está o Forty Foot, a piscina á que tamén se alude na novela e, entre a envexa e a incredulidade, observamos como varias persoas se bañaban naquelas augas xélidas.
E, ante o desapracible do día, regresamos no tren a Malahide a tempo para tomar un chocolate quentiño antes de cear.
No hay comentarios:
Publicar un comentario